torsdag 10. september 2015

Sajáiduvvan

Buorre beaivi/eahket bloggalohkkit! Dál lean oalle sajáiduvvan deika Berkeleyii. Ožžon skrihpáriid, álgán hárjehallat, bihttát devdet mu árgabeaivvi ja ii leat šat nu mearihis miella ruoktot. 


Govva: Matt Wong








Govva: Matt Wong




Eske iđđes go lihkken, de lei hirbmat somás biila mu boardaga ovdda bealde. Dát govva čájeha ja muitala hui bures dán báikki birra. Dáppe leat ollu hippiet. 


Govva: Saia Stueng



Mii gulahallat!



mandag 7. september 2015

Labor day!

Otne ii lean makkárge oahpahus universitehtas ja buot girjerádjosat ledje gitta, danne go otne lea Labor Day. Dego miessemánu vuosttaš beaivi Norggas, dušše ahte lea čakčamánu vuosttas vuossárgga. Ja nu mo dát riika (USA) lea de lea kapitála, vuovdin ja oastin mii lea mii deháleamos. Ja "bargiid beaivve" eai gal sáhte giddet buvddaid. Otne ledje ollu buvddat ja boradanbáikkit ráhpasat, de ii lean go vuolgit šoppet! 


Dá lea maid osten otne: 









mandag 31. august 2015

U S A

Dál in leat čállán guhkes áigái. Mun lean áiddo fárren Amerihkkái, Berkeley. Berkeley lea universitehta gávpot davvi-Californias, olggu bealde San Francisco gávpoga.
Berkeley universitehta lea dakkár elite universitehta, deike lea hui váttis beassat sisa ja dáppe lea maid hui alla dássi oahppus ja vuordámušain. 


Mun orun oalle lahka universitehta ja ádjána dušše 3 minuhta vázzit skuvlii. Dán gávpogis orrot badjel 100 000 olbmo, ja ádjána sullii 30 minuhta togain San Francisco gávpeguovddážii. 



Ballán nieida - Vuordámušat



Mun orun ovttas muhtin California nieiddaiguin, ja okta sis lea moadde jagi nuorat go mun. Moadde beaivvi áigi bođii son čieru ja bárggu ruoktot ásodahkii. Mun jerren manne sus lei váivi, son sihkastii gatnjalii ja dajai: Dat manná bures, ferten dušše riŋget eadnái. Mun dadjen ahte jus háliida háleštit, de lean mun dás. Mun diktet su háleštit iežas etniin, ja vulgen baicce olggos boradit. Diimmu maŋŋel go ledjen mannan olggos ásodagas, de riŋgii nieidda eadni munnje. Son muitalii ahte nieida lei ballán ja heađástuvvan go lei álgán fas studeret maŋŋá geasi. Nieida lei mannan psykiatára lusa háleštit. Go bohten ruoktot ihkku, de lei nieida nohkan. Son ii leat vuos jolegen dahje gillen háleštit muinna dán birra.

Mun fertejin guorahallat mii dát ges lea láhttenvugiid. Fitnen mu fágalaš bagadalli kantuvrras hálešteamen dán ášši birra. Son muitalii ahte dat lea áibbas dábálaš ahte studeanttat ožžot dákkár šohka go álget studeret. Juohke semestera leat eanet vuordámušat ja barggut. 

Govat







































lørdag 28. mars 2015

Irggekeahtesmusihkka.

Giđđa ii leat dušše áigodat siddjiide geat náitalit, ráhkasnuvvet ja irgalit. Olles máilbmi moriha ja ealáska, ja maiddái biruvuohta dego heaitaleamit. Ollu olbmot riidalit ja heaitalit irggiin/morsiin go čuvggodišgoahta ja bievladielkkut ihtet, eai sii gierdda. Lávejit dadjat ahte giđđat de jállo sápmelaš jallo ja nissonolbmot eai gierdda giđa. Ja muhtinat gávdnet fas ruovttoluotta geassit dahje čákčat go máilbmi sevnnjodišgohtá, ja earát eai fuola ovddeš ráhkása ruovttoluotta. Ja dalle báhcet lihccojuvvon nieiddat, irggekeahttá nieiddat, čáppa nieiddat geat geavahit dán hávskkes áigodaga moráštit, dalle sáhttá musihkka veahkehit. Dá lea listu musihkii mii sáhttá veahkehit. 







Ovttaskas nieiddaid girlpower lávlagat: 



1. Frankee - Fuck you right back

2. Taylor Swift - We are never getting back together

3. Gloria Gaynor - I will survive

4. Carly Rae Jepsen - Tonight I'm getting over you

5. LMFAO - Sexy and I know it

6. Natasha Bedingfield -Singel

7. Jessie James - I look so good without you

8. Jason Derulo - Ridin' Solo

9.Miley Cyrus - Liberty Walk





In gávdnan sámegiel lávlagiid dása, soaitá ahte Mari Boine ja eará sámi nissonlávlut leat oalle irgečeahpit ;) 



Buorit beassážat ja giđđa, Saia. 

tirsdag 3. februar 2015

Puerto Rico galledeapmi

Jo, bloggalohkki. Mun lean finadan Puerto Ricos. Puerto Rico lea gávpot Gran Canarias, gos lei hui liekkas ja buorre luomustallat ovddit váhkku. Vulgen dohko mu skihppáriin, Karinain. In gille čállit nu olu go ferten doapmat konsertii mii álgá fargga, gos mu skibir lávlu. Dá leat govat munno mátkkis.






























































 









- Saia

søndag 18. januar 2015

Snáppat ja prinseassáfeasta

Dál lean doaimmahan olu dáid beivviid. Mun lean ávvudan ođđajagi, bodden Facebook-snuoggama,leamaš konsearttas ja vásihan eará beliid mu girjás eallimis. 

In dieđe gos galggan álgit..




 Muhto dá lea 2014 buorremus snáppa: 






  








Dán váhkoloahpa lei mu oappás feasta, ja lei ge prinseassá-fáddá. Unnivuođas muittán munno digáštallama goabbá galggai leat dat prinseassá ja goabba fas dat feá. Mun šadden álo dat feá, ja dán festii ledjen feán gárvodan. Dieđusge šadden fas dat feá. Doppe ledje buot eará nieiddain guhkes prinseassáčuvllat, muhto mun mu skihppáriiguin leimmet mearridan leat slutty-prinsessát (mun fas slutty-fairy). Dá leat govat lávvardaga feasttas, mu guovtti nieidaskihppáris ja govva go feá maid gávnnai prinssa loahpa loahpas


















Gulahallat;)